Trupat e 87 marinarëve të Marinës Iraniane janë gjetur pasi një anije luftarake u fundos në Oqeanin Indian pranë brigjeve të Sri Lankës, thanë sot zyrtarët e policisë dhe ushtrisë së këtij vendi.
Një nëndetëse e Marinës Amerikane goditi me torpedo një anije luftarake iraniane pranë brigjeve të Sri Lankës, konfirmoi më herët të mërkurën Sekretari i Mbrojtjes i SHBA-së Pete Hegseth.
Kërkimet janë duke vazhduar për 61 marinarë të Marinës Iraniane që janë ende të zhdukur, shtuan zyrtarët ushtarakë dhe të policisë.
https://t.co/PiqQpVIrMu pic.twitter.com/Wc1e0B0um7
— Department of War 🇺🇸 (@DeptofWar) March 4, 2026
Gjithsej 32 marinarë iranianë janë shpëtuar. Anija po kthehej nga një stërvitje në të cilën India e kishte ftuar.
Në media u publikuan edhe pamjet me video të goditjes së fregatës iraniane me silurë.
