Një apartament i marrë me qira për ushtrimin e prostitucionit është zbuluar nga Policia në Tiranë, ndërsa si rezultat janë arrestuar dy shtetase vietnameze.
Bëhet fjalë për Th. A., 51 vjeçe, dhe Th. P., 33 vjeçe, të cilat dyshohet se ofronin shërbime prostitucioni në apartamentin në rrugën “Naim Frashëri”.
Sipas Policisë komunikimi me klientët kryhej përmes rrjeteve sociale.
“Në vijim të operacioneve të bazuara te puna informative, me objektiv konstatimin e ambienteve të vëna në dispozicion të ushtrimit të prostitucionit, shërbimet e Komisariatit të Policisë Nr. 2 finalizuan operacionin e koduar “Ilegal chat”.
Materialet procedurale janë referuar Prokurorisë për veprime të mëtejshme ligjore.
