Kryeministri i Izrael, Benjamin Netanyahu, ka reaguar pas sulmeve të ndërmarra ndaj Iran, duke konfirmuar se operacioni është zhvilluar në bashkëpunim me Shtetet e Bashkuara.
Në një deklaratë publike, Netanyahu tha se qëllimi i operacionit është eliminimi i kërcënimit që, sipas tij, paraqet regjimi iranian për sigurinë e Izraelit dhe rajonit.
“Pak kohë më parë, Izraeli dhe Shtetet e Bashkuara nisën një operacion për të hequr kërcënimin ekzistencial që paraqet regjimi në Iran,” u shpreh ai, duke falënderuar presidentin amerikan Donald Trump për, siç e quajti, “udhëheqjen historike”.
Netanyahu theksoi se Irani nuk duhet të pajiset me armë bërthamore, duke e cilësuar këtë si një rrezik për sigurinë ndërkombëtare.
Kryeministri izraelit u bëri thirrje qytetarëve të ndjekin udhëzimet e Komandës së Frontit të Brendshëm gjatë operacionit të quajtur “Gërmimi i Luanit”, duke apeluar për qëndresë dhe unitet në këtë periudhë tensioni.
Në deklaratën e tij, Netanyahu foli gjithashtu për të drejtën e popullit iranian për të vendosur për të ardhmen e vet, duke përmendur komunitete të ndryshme brenda Iranit dhe duke shprehur mbështetje për një Iran “të lirë dhe paqësor”.
