Një 28-vjeçar është arrestuar këtë të premte nga Policia në pikën kufitare të Morinës, pasi është kapur me lëndë narkotike.
Sipas Policisë, është arrestuar shtetasi D. Rr., 28 vjeç, banues në Prishtinë, pasi në PKK Morinë, në hyrje të RSh-së, shërbimet e Policisë Kufitare i kanë gjetur dhe sekuestruar një sasi lënde të dyshuar narkotike kokainë.
Lënda narkotike është sekuestruar në cilësinë e provës materiale, ndërsa i riu është shoqëruar nga efektivët në komisariat.
Materialet procedurale iu referuan Prokurorisë, për veprime të mëtejshme.
