Situata në Unazën e poshtme të qytetit të Burrelit vazhdon të përkeqësohet, ndërsa prej më shumë se një muaji nga konstatimi zyrtar i problematikës nuk është ndërmarrë asnjë ndërhyrje konkrete për stabilizimin e zonës së prekur.
Autoriteti Rrugor Shqiptar deklaroi më herët se po kryen një ekspertizë të thelluar të situatës së krijuar dhe do të dalë me një zgjidhje për eliminimin e rrëshqitjeve dhe njëkohësisht garantimin e investimit të kryer, por edhe pse ka kaluar një muaj që kur ARRSH është vënë në dijeni të problemit, nuk ka asnjë ndërhyrje për të riparuar apo parandaluar agravimin e mëtejshëm të situatës.
Sipas raportimeve, Unaza ka pësuar katër shembje, dy prej të cilave konsiderohen të përmasave të mëdha, ndërsa ditën e sotme gjysma e saj thuajse është fundosur, ndërsa autoritetet vijojnë të mos japin zgjidhje.
Situata me shembjen e rrugëve në vendin tonë degradohet dita-ditës, ndërsa askush nga qeveria apo instancat përkatëse nuk mban përgjegjësi dhe të vetmit që vuajnë pasojat janë qytetarët.
LEXO EDHE:
U shpenzuan 1.2 mln euro/ Tjetër skandal, shembet brenda vitit Unaza e Burrelit (VIDEO)
