Ka ndërruar jetë në Spitalin e Vlorës, 68-vjeçari Amdi Hodaj, i cili u përplas nga një mjet tip “Audi” dy ditë më parë në qytetin bregdetar.
Ngjarja u regjistrua në rrugën Transballkanike, ku sipas Policisë, automjeti tip “Audi” me drejtuese shtetasen I. P., 26 vjeçe, u përplas me biçikletën me të cilën lëvizte 68-vjeçari dhe për pasojë ky i fundit mori plagë të rënda.
Ai u transportua në Spitalin e Vlorës, ndërsa sipas TCH, ka ndërruar jetë mbrëmjen e sotme.
