Nga Boldnews.al
Në një reagim të fundit majë helikopterit, njësoj si gjeli majë plehut, kryeministri Edi Rama shfaqi krenari se i kishte rënë Shqipërisë kryq e tërthor si “kryeshërbëtor i popullit” dhe se as rrugët e bllokuara, as reagimet nuk e tutnin karvanin e tij që ecën e ecën përpara, pa u ndalur, në arritje pas arritjesh dhe fitorje pas fitorjesh në kapjen e majave.
“Por fundja çfarëdo të them unë, tenxheret do të thonë atë që kanë për të thënë dhe në fund fare, karvani do ecë përpara, qentë do vazhdojnë të lehin, veprat do jenë të vetmet që do të mbeten”, shkruajti Rama në rrjetin X, ndërsa relativizonte bllokimin e turpshëm dhe korruptiv të rrugës kombëtare Elbasan-Korçë.
Kryeministri ka të drejtë, janë disa arritje në qeverisjen e tij që kanë lënë shenjë që vështirë të hiqen për shumë dekada. Arritja e parë e madhe është ishin listat e deputetëve në vitin 2013. Kur edhe mori pushtetin, e pati më të qartë nga kushdo tjetër sesi do të qeveriste në vijim. Shumë deputetë i gjeti me qiri në qarqet më të mëdha të vendit ku zgjodhi “akademikë” në fushën e trafikut të drogës dhe prostitucionit dhe përdhunues të dënuar nga gjykata Europiane. Shtatë deputetë më vonë ia mori dekriminalizimi, por Rama e la shenjën me karvanin që ecën para…
Pa u mbushur një vit nga qeverisja, kryeministri mendoi për “bujqësinë”, duke gjelbëruar anëkënd vendin me kanabis. Përgjatë viteve 2015-2017 kultivimi i bimëve narkotike ishte investimi më i mirë me bekimin e drejtëpërdrejtë të qeverisë. Tonelata më drogë kapeshin në Itali, Greqi e deri në Gjermani. Por ndërsa bota ngrinte alarmin dhe “task force” specifike për kanabisin shqiptar, në vendin tonë policia u kthye në mbrojtëse të parcelave të grupeve kriminale. Në vitin 2017 u vërtetua edhe lidhja e Ministrit të Brendshëm më një grup të trafikut të drogës. Kriminalizimi i shoqërisë shkoi në nivele të frikshme ku grupe të strukturuara u pasuruan në mënyrë të shpejtë dhe për pastrimin e parasë që mbanin duhmën e hashashit, shërbeu kryesisht sektori i ndërtimit dhe tenderat publikë të cilat vetë ay i madhi gjeli Rama i shpërblen pjestarët e malavitës.
Shkatërrimi deri në gjenezë ndodhi edhe me arsimin në vend. Raportet ndërkombëtare të matjes së performancës në arsim e cilësuan Shqipërinë si ngelëse, sidomos në konceptimin e lëndëve ekzekte, por me shumë probleme edhe në atë qu quhet “analfabetizëm funksional”, që dinë të lexojnë, por jo kuptojnë. Arsimi shqiptar që me gjëmën e rilindjes njeh vetëm tatpjetën për çdo vit duke qënë vendi i fundit në Europë sikundër dhe për çdo gjë tjetër në fushën e zhvillimit. Politikat arsimore të mbushur me drejtorë dhe mësues patronazhistë deformuan sistemin arsimor në vend, duke nxjerrë breza nxënësish të pa formuar.
Një tjetër dështim i mirëmenduar në nivel të frikshëm që lidhet drejtëpëdrejtë me dhimbjen dhe vdekjen, mbetet sistemi i shëndetësisë. Kryeministri Rama vijon të thotë se karvani po shkon përpara… Një karvan i gjatë abuzimesh në sistemin shëndetësor për dhënien me konçesion të shërbimeve bazë e kthyen moton e shëndetësisë falas në “vdekjen falas”. Pandemia e Covid 19 mori jetë si askund tjetër në Europë, po Rama e kishte të thjeshtë manipulonte dhe shifrat e të vdekurve. As burgosja e ish-ministrit Ilir Beqja dhe zyrtarëve të tjerë të shëndetësisë dhe as procedimet në vijim nuk kanë dhënë sinjal për ndryshim forme. Shëndetësia është në intubim, ndërsa korrupsionin në këtë sektor vijon të thithë miliona euro nga taksat edhe të atyre që ikin për shërim në spital dhe dalin prej aty në arkëmort.
Të gjitha rrugët, edhe ato që të shemben ndër këmbë pak ditë pasi inagurohen me këngë e valle, kanë një drejtim: drejtësinë e re. Investimi në dukje më i madh me yshtjen ndërkombëtare nisi për pavarësi të plotë dhe përfundoi në kastrimin e plotë të saj nga qeverisja e sotme. Mijëra osje presin të shqyrtohen te Sadushët e korruptuar të Gjykatës Lartë, ose të analfabetët funksional injorantë deri në vetmohim të anëtarëve të Gjykatës Kushtetuese.
E nisi me kultivimin e kanabisit dhe me mbjelljen në masë të farës së korrupsionit në çdo nivel qeverisës, por kryeministri Rama ka me çfarë të mburret majë helikopterit dhe që nga ajri tallet deri në formë therëse për frymorët dykëmbësha që i kanë dhënë 83 mandate, nën trysninë e tytës apo joshjen e blerjes!
