Forcat e sigurisë në Meksikë njoftuan vrasjen e Nemesio Oseguera Cervantes, i njohur me nofkën “El Mencho”, themelues dhe drejtues i kartelit Jalisco Nueva Generación (CJNG), një nga organizatat kriminale më të fuqishme në Meksikë.
Sipas autoriteteve, operacioni u zhvillua në shtetin e Jaliscoat, pas disa orësh tensioni dhe përplasjeje mes ushtrisë dhe grupeve të armatosura, raporton CNN.
“El Mencho”, i lindur në vitin 1966, akuzohej nga autoritetet meksikane dhe nga Departamenti Amerikan i Drejtësisë për trafik ndërkombëtar droge dhe krim të organizuar.
Ai ishte në listën e personave më të kërkuar nga SHBA, me një shpërblim prej 15 milionë dollarësh për informacione që do të çonin në arrestimin e tij.
Sipas Drug Enforcement Administration (DEA), karteli CJNG përdorte armë të rënda dhe taktika të strukturuara si ato ushtarake për të zgjeruar ndikimin e tij. Grupi konsiderohej përgjegjës për trafikimin e sasive të mëdha të kokainës, metamfetaminës dhe fentanilit drejt Shteteve të Bashkuara.
Zyrtarë të DEA-s e kishin cilësuar më herët Cervantes si një nga figurat më të rrezikshme të krimit të organizuar, me ndikim të madh në rrjetet e trafikut ndërkombëtar të drogës.
