Detaje të reja kanë dalë në lidhje me plagosjen me armë zjarri të ndodhur ditën e sotme në Tiranë, në zonën e Rrugës së Kavajës.
Sipas informacioneve, i plagosur ka mbetur 34-vjeçari Akil Koxhaxhiku.
Ai është transportuar në spital, ku po merr ndihmën mjekësore dhe ndodhet jashtë rrezikut për jetën.
Ndërkohë në lidhje me ngjarjen ka reaguar edhe policia, ku thotë se janë identifikuar autorët dhe se po punohet për arrestimin e tyre.
“Rreth orës 15:50, në Rrugën e Kavajës, dyshohet se gjatë një konflikti është plagosur me armë zjarri shtetasi A. K., 34 vjeç, i cili ndodhet në spital, jashtë rrezikut për jetën.”, njofton policia.
