Një shtetas sudanez është arrestuar nga Policia në Korçë, pasi dyshohet se fuste emigrantë ilegalë në vendin tonë, kundrejt pagesës.
Sipas Policisë, në kuadër të operacionit “Itinerari 3”, është arrestuar në flagrancë shtetasi M. S., 25 vjeç, banues në Darfur, Sudan, i cili në bashkëpunim me persona të tjerë që dyshohet se ndodhen në Greqi, ka ndihmuar dy emigrantë të kalojnë në mënyrë të paligjshme nga territori grek në Shqipëri, përmes kufirit të gjelbër në zonën e Devollit.
Emigrantët e parregullt janë konstatuar nga shërbimet e Sektorit për Hetimin e Krimit në DVKM Korçë në malin Moravë.
Sudanezi është arrestuar nga policia, ndërkohë materialet procedurale i janë referuar Prokuroria e Korçës, për veprime të mëtejshme proceduriale.
