Një situatë e paprecedentë është regjistruar brenda shtëpisë së Big Brother Vip Albania, transmetuar në Top Channel.
Thuajse çdo prime, moderatori i këtij formati, Ledion Liço, prezanton surpriza për banorët, nga brande të ndryshme të cilat i paraqet në formën e dhuratave.
Por duket se këto produkte nuk janë tamam dhuratë për banorët.
Në një video që po qarkullon në rrjete sociale, duket se banorëve u është kërkuar të dorëzojnë bluzat e dhëna nga brandi “Lulu” i moderatores Luana Vjollca.
Gjatë një bisede tre banorët e shtëpisë, Mateo Brikena dhe Great diskutojnë për bluzat të cilat duhet të kthejnë, ndërsa në një moment produksioni u tërheq vëmendje.
Pjesë nga biseda:
Mateo: Duhen dorëzuar pra…
Brikena: Okej, janë me një kolltuk, në dhomën e grimit, te ai kolltuku që ka plot tesha, janë të mijat.
Mateo: Të gjitha ato që keni marrë me varëse? Ua sa turp për një bluzë…
Greta: No koment…
Mateo: Pak se po i bëni reklamë falas po…
Në këtë moment produksioni i Big Brother i tërheq vëmendjen duke i thënë “kujdes mikrofonin”.
Mesaduket produktet e prezantuara nga produksioni i Big Brother nuk janë dhuratë për banorët, por thjesht kontrata marketingu, pas së cilave fshihen vetëm përfitime financiare.
