Ish-deputeti Ervin Salianji, i ftuar në studion e lajmeve në “Ora News”, deklaroi se rasti i AKSHI-t është vetëm një nga aferat që, sipas tij, tregon përmasat e korrupsionit në vend, ndërsa skandale të tjera me vlera qindra milionë euro po lihen në harresë.
Salianji akuzoi kryeministrin Edi Rama se po mbron veten, duke përmendur dosjen e AKSHI-t dhe atë të zëvendëskryeministres si shembuj të situatës së rëndë.
Ai kujtoi se në të kaluarën vëmendja ishte përqendruar te afera e inceneratorëve, por ndërkohë në Shqipëri kanë ndodhur edhe skandale të tjera që, sipas tij, kanë lënë gjurmë.
Salianji përmendi kanabizimin dhe sterilizimin si çështje të harruara, duke theksuar se nuk bëhet fjalë për një apo dy skandale, por për një seri aferash të përsëritura.
“Edi Rama po mbron veten e vetë. Në një moment të caktuar, sidomos me këto llotaret që ka ndodhur me dosjen e Akshit, me qoftë edhe me dosjen e zëvendëskryeministres, të dyja.
Ne nuk e dimë se çfarë llotaresh të tjera mund të prodhojë ky vend dhe mund të kenë prodhuar këta njerëz, të cilët nuk kanë asnjë përgjegjësi, përveç se me sa duket kanë interes për t’u pasuruar, po jo vetëm për t’u pasuruar në mënyrë të padrejtë, por për të shkëlmuar, për të shkëlmuar çdo lloj, edhe shkallmuar po ashtu, çdo lloj, po themi, norme çka ky vend, qoftë ligjore, qoftë morale e kështu me radhë.
Sepse me sa duket avancon situata dhe ka pasur siç e kemi, se nuk është se nuk e, unë personalisht e kam thënë që kjo është një prej afera, aferave që ka pasur po themi fokus të të madh inceneratorët në atë periudhë. Po ndërkohë në Shqipëri bëjnë namin me gjithë elementët e tjerë.
Dhe sa ka ardhur edhe ka ardhur duke u përkeqësuar situata, se është harruar kanabizimi, është harruar sterilizimi, është harruar, nuk është se ka ndodhur një skandal le dhe dy.
Jemi në kushtet ku sot për shkak se SPAK-u po themi ka vërtetuar disa dhe ka ngritur akuzë në dy raste të të Akshit edhe të zëvendëskryeministres, jemi në kushtet ku po shohim që korrupsioni ka ardhur duke u rritur shkelja, duke u bërë më e madhe e kështu me radhë”, u shpreh Salianji.
