20-vjeçari Renato Xyke dyshohet të jetë autori i vrasjes së 26-vjeçarit shqiptar Kevin Muharremi në Itali.
Sipas mediave të huaja, Xyke është ndaluar në orët e pasdites në një autostradë, duke shkuar drejt Romës. Ai u identifikua nga kamerat e sigurisë publike dhe private në zonë dhe targave të automjetit me të cilin ai udhëtonte, një Range Rover gri.
Sipas raportimeve, vrasja e 25-vjeçarit Kevin Muharremi, ndodhi rreth orës 5:00 të mëngjesit të së shtunës në Via della Repubblica, në qendër të qytetit.
Ngjarja dyshohet të ketë ndodhur pas një konflikti në një lokal në zonën e Capanne, në Montopoli Valdarno. Sipas hetimeve paraprake, 26-vjeçari Muharremi u qëllua me armë zjarri, duke u goditur në qafë nga një plumb i shkrepur nga një automjet tip SUV që iu afrua paralelisht mjetit ku ndodhej ai.
Autoritetet po verifikojnë nëse mes dy automjeteve ka pasur ndjekje përpara të shtënave. Ndërkohë, bëhet e ditur se i dyshuari ka qenë i njohur më parë për forcat e rendit.
Kevin Muharremi jetonte në Fucecchio, ku punonte në një lavazh dhe servis automjetesh. I dyshuari për vrasjen ndodhet aktualisht në dispozicion të autoriteteve gjyqësore në Piza, ndërsa hetimet për zbardhjen e plotë të rrethanave vijojnë.
