Policia e Shkodër ka arrestuar tre të rinj, të dyshuar për shpërndarje të lëndëve narkotike në zona të ndryshme të qytetit.
Në pranga ranë shtetasit K. Gj., 27 vjeç, F. N., 26 vjeç dhe J. Ç., 25 vjeç.
Gjatë kontrolleve fizike dhe në automjet, policia sekuestroi sasi të lëndës narkotike kanabis të ndara në doza, të dyshuara për shitje.
Njërit prej të arrestuarve iu gjet edhe një mjet prerës (thikë).
“Si rezultat i administrimit të shpejtë të informacioneve të siguruara në rrugë operative, për shtetas të përfshirë në veprimtarinë kriminale të shitjes së lëndëve narkotike, Seksioni për Hetimin e Narkotikëve, në bashkëpunim me Forcën e Posaçme “Shqiponja” dhe Seksionin e Mbështetjes Operacionale të Hetimit, finalizuan operacionin e koduar “Rotondo”.
Në kuadër të operacionit, u vunë në pranga shtetasit:
K. Gj., 27 vjeç, banues në fshatin Bregu i Lumit, Shkodër;
F. N., 26 vjeç, banues në fshatin Hot i Ri;
J. Ç., 25 vjeç, banues në Shkodër.
Shtetasi K. Gj. u kap në flagrancë në rrethrrotullimin e fshatit Stom Golem, duke lëvizur me automjet tip “Land Rover”, ku gjatë kontrollit iu gjet një sasi lënde narkotike kanabis. Më tej, nga kontrolli në çantën e këtij shtetasi, u konstatua se kishte me vete një mjet prerës (thikë).”, njofton policia.
