Eljon Metaj, është 16-vjeçari shqiptar, që ka humbur jetën mbrëmjen e së premtes në një aksident automobilistik të ndodhur në periferi të Athinës, Greqi.
Ngjarja ndodhi në rrugën “Dhimokratias”, në zonën Luca, ku automjeti me të cilin udhëtonin tre adoleshentë doli nga rruga dhe u përplas me një pemë.
Si pasojë e përplasjes së fortë, Metaj ndërroi jetë në vend, ndërsa dy shokët e tij mbetën të plagosur dhe u transportuan në spital. Sipas mediave greke, ata ndodhen jashtë rrezikut për jetën.
Nga të dhënat paraprake, njëri prej të miturve kishte marrë pa dijeninë e prindërve çelësat e automjetit nga çanta e nënës.
Më pas, së bashku me dy shokët, kishin dalë për të qarkulluar me shpejtësi në rrugët e zonës. Dyshohet se mjeti po lëvizte mbi normat e lejuara kur humbi kontrollin dhe doli nga rruga.
