Qytetarët e Durrësit kanë zhvilluar sot një takim me zyrtarët e bashkisë dhe kryeministrin Edi Rama për të diskutuar projektin TID.
Sipas raportimeve, deputetët demokratë Igli Cara dhe Arjan Ndoji kërkuan të merrnin pjesë në takim, por kërkesa e tyre u refuzua nga Garda e Republikës.
Cara reagoi përpara mediave, duke e konsideruar këtë veprim të paligjshëm dhe një shkelje të të drejtave të banorëve.
“Jemi lajmëruar nga banorët dhe kërkuam të ishim pjesë e diskutimeve si deputetë, por na u refuzua nga garda. Ligji thotë qartë se askush nuk mund të prekë pronën private. Ky projekt po merr pasuri nga qytetarët dhe po ia jep privatit për menaxhim,” deklaroi Cara.
