Banorët e prekur nga projekti TID në Durrës, kanë njoftuar zhvillimin e një proteste qytetare ditën e nesërme, para Bashkisë së Durrësit.
Banorët kërkojnë transparencë mbi zbatimin e projektit, përgjegjësi institucionale dhe garantimin e të drejtës së pronës.
Ata deklarojnë se procesi po zhvillohet pa konsultim të plotë me komunitetin dhe pa informacion të qartë për zgjidhjet konkrete që prekin familjet.
Gjatë tubimit, protestuesit do t’i drejtojnë publikisht Këshillit Bashkiak disa pyetje lidhur me procedurat, vendimmarrjen dhe efektet e projektit.
Ata kërkojnë pezullimin e vendimeve aktuale, hapjen e diskutimeve me komunitetin dhe ngritjen e një komisioni hetimor për procesin.
Organizatorët e cilësojnë projektin TID si një ndërhyrje që, sipas tyre, rrezikon të çojë në largimin e banorëve nga pronat dhe jo në zhvillim urban.
Ata kërkojnë përgjigje konkrete për çështjet e shpronësimit dhe dëmshpërblimit.
Kujtojmë se më 14 shkurt 2026, kryeministri Edi Rama zhvilloi një takim me banorët e prekur nga projekti TID në Durrës.
Pas takimit, ai deklaroi se projekti nuk do të ndalet duke injoruar shqetësimet e qytetarëve.
