Televizioni publik gjerman ARD, i ka bërë jehonë protestës së kreut të “Shqipëria Bëhet”, Adriatik Lapajt, e nisur që nga viti i kaluar.
Në kronikën e përgatitur nga ARD, theksohet se Lapaj po qëndron që nga fillimi i dhjetorit para zyrës së Kryeministrit, qeveria e të cilit akuzohet për vjedhje dhe korrupsion.
Më tej theksohet fakti se këto protesta vijnë pas hetimit për numrin dy të qeverisë Rama, Belinda Balluku, një zyrtare e pezulluar tashmë, e cila akuzohet për shkelje të barazisë në tendera.
Sipas ARD, Lapaj është shprehur se nuk i beson asnjërit prej dy kampeve politike, ndërsa e shqetëson fakti që Shqipëria mbetet një nga vendet më të korruptuara në Europë.
Kronika e plotë në median gjermane:
Mëngjesi pas trazirave vazhdon me protestë të pandalshme pavarësisht temperaturave dimërore në Tiranë. Avokati dhe aktivisti Adriatik Lapaj po qëndron që nga fillimi i dhjetorit para zyrës së Kryeministrit.
Ai kërkon që qeveria shqiptare të dorëhiqet.
‘Ne jemi të bindur se duhet të protestojmë çdo minutë dhe çdo ditë, sepse ata çdo minutë dhe çdo ditë po na vjedhin paratë tona”,- ka deklaruar Lapaj.
Shkaku i protestave?
Prokuroria e Posaçme kundër Korrupsionit ka vënë në qendër të hetimeve rrethin e ngushtë të Kryeministrit Rama. Zëvendësja e tij, Belinda Balluku dyshohet se ka mashtruar në tenderime të projekteve të mëdha si rasti i ndërtimit të një tuneli.
Shumë zëra besojnë se edhe Rama ka qenë dhe duhet të ketë qenë në dijeni për këtë çështje.
Aktivisti Adriatik Lapaj shprehet se nuk i beson asnjërit prej dy kampeve politike, dhe e shqetëson fakti që Shqipëria mbetet një nga vendet më të korruptuara në Europë. Ai deklaron se do të vazhdojë protestën deri sa të ketë ndryshim.
