Në seancën e sotme të mbajtur për vrasjen e Liridona Ademajt, i dyshuari Naim Murseli, ka kërkuar që të komunikojë me djalin e gjithashtu edhe me Behgjet Pacollin.
Gjyqtarja Fatime Dermaku tha se sa i përket kërkesës për komunikim me djalin janë në kontakt me autoritetet suedeze dhe janë në pritje të një përgjigjeje.
Ndërsa, kërkesa për të komunikuar me Behgjet Pacollin në numër të telefonit të Zvicrës është refuzuar.
“Kemi kontaktuar me autoritetet suedeze dhe jemi në pritje të përgjigjes së tyre, ndërsa sa i përket kërkesës për të komunikuar me Behgjet Pacollin në numër të telefonit të Zvicrës dhe dhëndrin tuaj ajo është kërkesë që nuk lejohet, se është kategori e personave që nuk e lejon ligji”, tha gjyqtarja.
