Shtetet e Bashkuara kanë pezulluar të gjitha fluturimet për në dhe nga Aeroporti Ndërkombëtar i ‘El Pasos’ në Teksas, për “arsye specifike sigurie”, tha FAA të hënën, pa dhënë detaje të mëtejshme.
Aeroporti, i cili ndodhet pranë Aeroportit të Ushtrisë Biggs dhe pranë kufirit me qytetin meksikan të Juarez, tha se të gjitha fluturimet u anuluan, sipas një postimi në Instagram.
Aeroporti i ‘El Pasos’ tha se kufizimet u vendosën me njoftim “të minutës së fundit” dhe se po priste udhëzime të mëtejshme nga FAA, sipas “New York Times”.
Fluturimet u ndaluan gjithashtu nga hapësira ajrore mbi komunitetin e afërt të Santa Teresa në shtetin amerikan të New Mexico , sipas FAA.
Kufizimet do të jenë në fuqi deri më 21 shkurt dhe do të mbulojnë një rreze prej rreth 10 miljesh detare nga aeroporti, duke mos përfshirë hapësirën ajrore meksikane, tha agjencia.
FAA nuk iu përgjigj menjëherë një kërkese të ‘Reuters’ për detaje mbi arsyet e sigurisë. Aeroporti ka trajtuar 3.49 milionë pasagjerë në 11 muajt e parë të vitit 2025, sipas faqes së saj të internetit.
