Ish-deputeti Ervin Salianji ka reaguar pas publikimit të raportit të Transparency International për vitin 2025.
Në një postim në rrjetet sociale, Salianji thekson se Shqipëria ka shënuar rënie në Indeksin e Perceptimit të Korrupsionit dhe renditet më keq se disa vende të rajonit, përfshirë Kosovën, Maqedoninë e Veriut dhe Malin e Zi.
Sipas tij, korrupsioni në vend nuk është thjesht çështje perceptimi, por një realitet që prek qytetarët në jetën e përditshme, duke përmendur ryshfetet për leje, vonesat në drejtësi dhe ndarjen e tenderave në mënyrë klienteliste.
Postimi i plotë i Salianjit në rrjetet sociale:
Raporti i Transparency International për vitin 2025 nuk është vetëm statistikë.
Është akuzë ndaj qeverisë!
Shqipëria bie sërish në Indeksin e Perceptimit të Korrupsionit.
Më keq se Kosova, Maqedonia e Veriut dhe Mali i Zi.
Ky është turp kombëtar dhe përgjegjësia ka emër: Edi Rama dhe qeveria e tij!
Korrupsionj nuk është “perceptim”.
Është realitet që e prek çdo qytetar:
– kur biznesi paguan ryshfet për një leje,
– kur drejtësia vonohet për mikun e pushtetit,
– kur tenderat ndahen mes klientëve,
– kur shteti sillet si pronë private.
Korrupsioni nuk është më devijim.
Është bërë sistem funksionimi. Ndërkohë propaganda flet për “integrim europian”.
Por Europa nuk ndërtohet me fjalë.
Europa ndërtohet me ligj, meritë dhe barazi e sundim të ligjit!
Me këtë nivel korrupsioni, integrimi është mashtrim, fasadë.
Shqiptarët nuk meritojnë të jenë të fundit në rajon.
Meritojnë një shtet që punon për ta, jo kundër tyre.
Koha e justifikimeve ka mbaruar.
Koha e përgjegjësisë ka filluar.
Shqipëria nuk rrëzohet nga qytetarët.
Rrëzohet nga korrupsioni i pushtetit.
Ky sistem duhet ndryshuar.
