Kryetari i Bashkisë së Rrogozhinës, Edison Memolla, është vetëdorëzuar në Policinë e Kavajës.
Gjykata e Apelit e Posaçëm e shpalli Memollën fajtor për veprën penale të korrupsionit aktiv në zgjedhje, dhe u dënua me 1 vit burgim.
Si dënim plotësues, gjykata ka vendosur edhe heqjen e së drejtës për të ushtruar funksione publike për një periudhë prej 5 vitesh.
Sipas Prokurorisë së Posaçme (SPAK), Edison Memolla akuzohet se ka ndikuar te elektricisti Blerim Xhamani, me qëllim që ky i fundit të mos i ndërpriste energjinë elektrike një abonenteje debitore, në këmbim të votës së saj në favor të Memollës.
Ngjarja lidhet me zgjedhjet e pjesshme lokale të 6 marsit 2022, ku Edison Memolla garoi për kryetar bashkie nën siglën e Partisë Socialiste.
LEXO EDHE:
Apeli i Posaçëm dërgon në qeli kryebashkiakun socialist të Rrogozhinës, Edison Memolla
