Pasi Prokuroria Speciale kërkoi 45 vite burgim për Hashim Thaçi dhe po aq për krerët e tjerë të UÇK-së, kryeministri Edi Rama ka bërë një reagim të shkurtër në rrjetin X.
Me një gjuhë aspak të përshtatshme për një kryeministër, Rama shkruan se ishte i shokuar dhe nuk gjen dot fjalë për këtë, sipas tij, marrëzi.
Postimi i Ramës në X:
Më pyesin miq nga Prishtina pse nuk po shprehesh për mikun tënd që sot u ngarkua me 45 vjet burg në pretencën e prokurorisë së Hagës?!
Nuk po shprehem dot, pasi ende po mundohem ta gjej ku buron filli logjik që ka ndjekur prokuroria për të dalë me kërkesën për varrosje për së gjalli të katër burrave dhe si kurrë ndonjëherë, fjalët nuk më vijnë në ndihmë për t’u shprehur…
Ndjesë, më duhet kohë ta gëlltis gjithë atë mal me mut që nxorri sot ajo prokurori në zemër të Europës demokratike!
