Avokati Genci Gjokutaj, i ftuar në një intervistë në SYR TV, ka komentuar zhvillimet e fundit lidhur me çështjen e Belinda Ballukut.
Ai tha se Edi Rama i ka bërë presion politik ndaj Gjykatës Kushtetuese dhe ndërhyrje në procesin normal ligjor.
Gjokutaj deklaroi se rikthimi i përkohshëm i Belinda Balluku në detyrë solli një situatë të paprecedentë, pasi sipas tij, brenda një muaji ajo firmosi rreth 100 milionë euro procedura tenderuese.
Gjokutaj: Çështja e Belinda Ballukut ishte krejt e qartë ligjërisht në fillimin e saj.
Si duket lufta e brendshme politike, edhe pse jo, shtrëngimi midis njëri-tjetrit i Belinda Ballukut me Ramën, solli si pasojë që Rama, ta hiqte topin nga këmba e tij dhe t’ia çonte Gjykatës Kushtetuese dhe sepse Rama tentoi ta zgjidhte problemin që e kish e kish krejt të thjeshtë për ta zgjidhur, jo vetë.
Arsyet ne nuk i dimë, por nga një analizë e fakteve, rrethanave, Rama nuk ka guxuar që të veprojë vetë, sepse së pari, ajo mund të jepte dorëheqjen, mund ta shkarkonte si zv/kryeministre, ose ta mbante të pezulluar, t’i caktonte një zv/kryeministër apo zv/kryeministre tjetër, dhe t’i drejtohej kuvendit, grupit parlamentar e tjerë e tjerë. Të gjitha këto mosveprime të Ramës, ai i përmblodhi në një kërkesë drejtuar Gjykatës Kushtetuese, siç e ka profilin dhe siç e ka zakonin e tij politik, që asnjëherë nuk del të firmosë, asnjëherë nuk del si vendimmarrës, asnjëherë nuk shkarkon një punonjës, por i detyron t’i japin dorëheqjen.
Duket se Rama me Ballukun ë shtrëngesa për dorëheqje nuk i eci, ë, dhe në këtë mënyrë gjeti rrugën rrugën më të gabuar të duhur, sepse zonja Balluku ishte rrugës gjatë ankimimit të saj normal, procedural, kish përcjellë shkallën e parë të GJKKO-së, vendimin e saj dhe verifikimin e ekzekutimit të vendimit, dhe po shkonte drejt apelit të Gjykatës Antikorrupsion dhe të Krimit të Organizuar.
Në këtë moment Rama i drejtohet Gjykatës Kushtetuese. Duhet të themi që kemi dy Rama në në në në raport me gjyqësorin. Kemi Ramën si kreatori i reformës në drejtësi, Ramën si inkurajues i SPAK-ut dhe GJKKO-së kundër krimit dhe korrupsionit të opozitës dje, dhe kemi Ramën një sulmues të ashpër të SPAK-ut, Antikorrupsionit, Gjykatës së Antikorrupsion, e Gjykatës Kushtetuese, të gjitha niveleve të gjykatave, bile tash është shpërndarë dhe nëpër gjykatat e juridiksionit të përgjithshëm nëpër rrethe.
Kjo tregon as më shumë dhe as më pak se pretendimi i Ramës nuk qëndron më.
Mbani mend, ai thoshte që nga ana e Partisë Socialiste dhe nga ana ime, nuk do të merret në mbrojtje asnjë anëtar socialist i qeverisë së çfarëdo lloj niveli, por ata të marrin avokatin dhe të shkojnë të mbrohen vetë në gjykatë. Në rastin konkret, zoti Rama nuk e bëri këtë.
Pra, nuk e la të vazhdonte procesin, por e ndërpreu, sepse ju duhet të dini që Gjykata e Apelit kundër korrupsionit dhe krimit të organizuar, e gjeti seanca me një vendim të pezulluar të të shkallës së parë, dhe s’pati objekt gjykimi, sepse në momentin kur po gjykohej nga GJKKO-ja e Apelit, vendimi ishte i pezulluar, pezullimi i pezullimit thënë, nga Gjykata Kushtetuese dhe si i tillë një vendim i pezulluar nuk përbën objekt gjykimi nga Gjykata e Apelit.
Pra, zoti Rama ndërpreu. Së pari ka ndërprerë procesin e ankimimit normal, që në një mënyrë apo në një tjetër, ka dëmtuar vetë Belinda Ballukun, e cila nuk ka mundësi ta ndjekë më përveç masë, rrugën normale të të të ankimimit. Pastaj vijmë te Gjykata Kushtetuese.
Një presion shumë i madh politik, tashmë që dihet që Gjykata Kushtetuese jo vetëm ta kalonte çështjen për seancë, por edhe të vendoste një pezullim. Pezullim i cili në një gjykim të shpejtë, po të ishte në pozita Gjykata Kushtetuese, nuk kishte e nevojshme të merrej, pasi nëse ajo do të kishte të drejtë, Gjykata Kushtetuese do të vendoste në mënyrë shteruese përfundimtare dhe ajo të kthehej njëherë e mirë në zyrë.
Jo, ajo u kthye në zyrë dhe për një muaj siç e dini ka bërë 100 milionë euro tendera. Një një precedent i paparë. Ky është precedenti i paparë, jo ai që thotë zoti Rama, edhe ajo që është kryesorja zoti Rama pretendon të thotë se Prokuroria dhe Gjykata Antikorrupsion kanë marrë peng thotë ekzekutivin. Në fakt ekzekutivi nuk e ka marrë peng gjykata antikorrupsion edhe SPAK-u, pasi qeverinë e ka marrë në qafë korrupsioni që ajo po bën, edhe objekti i të cilit është puna e GJKKO-së dhe e SPAK-ut.
