30-vjeçari Jurgen Karaj, i cili dyshohet se u mor nga rrjedha e përroit në fshatin Dars të Klosit më 10 janar të këtij viti, u gjet i pajetë mëngjesin e kësaj të shtune pas rreth 1 muaji nga ngjarja.
Trupi i 30-vjeçarit u gjet në afërsi të fshatit Urakë, gjatë patrullimit me gomone të forcave të ushtrisë dhe Forcave Speciale të Kosovës. Këto të fundit erdhën në Shqipëri më 29 janar, pasi ekipet e angazhuara nga Ministri i Mbrojtjes, Pirro Vengu, po dështonin me sukses në gjetjen e trupit të të riut.
Edhe pse ky i fundit deklaronte se ‘vijojnë kërkimet intensive’, mjetet dhe pajisjet e ekipeve të shpëtimit, nuk mundën ta lokalizonin trupit e 30-vjeçarit, për të cilin prej një muaji nuk kishte asnjë gjurmë. 30-vjeçari është gjetur pas ndërhyrjes së ekipit nga Kosova, ndërkohë ky nuk është rasti i parë që vërteton standardet e ulëta të emergjencave në vendin tonë.
Si ndodhi ngjarja:
Ngjarja e rëndë u regjistra më 10 janar, rreth orës 01:30, në fshatin Darsë të Klosit, kur një mjet tip Audi me targa angleze doli nga rruga dhe përfundoi në shtratin e përroit.
Makina drejtohej nga Andi Lloshaj, 24 vjeç, banues në Fullqet, për të cilin testimi i alkoolit tregoi se ai drejtonte automjetin në gjendje të dehur.
Në mjet ka qenë edhe 30 vjeçari Jurgen Karaj, banues në të njëjtin fshat, i cili dyshohet se pas aksidentit është marrë nga rrjedha e përroit.
Ky i fundit është gjetur i pajetë këtë të shtunë, ndërkohë Andi Losha është arrestuar nga policia, pasi dyshohet se nuk e ka ndihmuar 30-vjeçarin.
LEXO EDHE:
Zhdukja e Jurgen Karajt/ Kërkimet ‘intensive’ të Vengut pa rezultat! Vjen një ekip nga Kosova
Pirro Vengu krenar për kërkimet, por trupi i të zhdukurit s’është gjetur akoma!
