30-vjeçari Jurgen Karaj, i cili dyshohet se u mor nga rrjedha e përroit në fshatin Dars të Klosit, ende nuk është gjetur nga autoritetet.
Edhe pse Ministri i Mbrojtjes, Pirro Vengu deklaronte më herët se vijojnë kërkimet ‘intensive’ për të riun, prej 20 ditësh tashmë ende nuk ka asnjë gjurmë prej tij dhe trupi ende nuk është gjetur.
Ndërkohë, mësohet se një ekip i specializuar është nisur nga Kosova, për kryerjen e kërkimeve nënujore, në shpresë të zbardhjes së fatit të 30-vjeçarit.
Jurgen Karaj, dyshohet se u mor nga rrjedha e përroit të fshatit Dars në Klos, më 9 janar, dhe ka përfunduar në lumin Mat. Ai ishte duke udhëtuar me një mjet tip “Audi” me drejtues 24 vjeçarin Andi Losha, kur ky i fundit humbi kontrollin dhe ranë në përrua.
Karaj dyshohet të jetë marrë nga rrjedha, ndërsa ende nuk ka asnjë gjurmë prej tij. Ndërkohë Andi Losha u arrestua nga policia, pasi dyshohet se nuk e ka ndihmuar 30-vjeçarin.
LEXO EDHE:
Pirro Vengu krenar për kërkimet, por trupi i të zhdukurit s’është gjetur akoma!
