Në Prishtinë u zhvillua një protestë kundër propozimit për rritjen e çmimit të energjisë, që parashikohet deri në 21%.
Ata shprehen se nëse miratohet vendimi, do të ketë pasoja ekonomike.
Paralajmërimi i Zyrës së Rregullatorit të energjisë për rritjen sërish të çmimit të energjisë elektrike ka bërë që qytetarët të protestojnë para KEDS-it.
Në një moment, protesta u përshkallëzua, pasi një i moshuar u shoqërua në polici, pasi u hedh tym i kuq. Aktivisti Erbilin Ajdini tha se KEDS për interesat e saj është i gatshëm të ngulfas qytetarët.
Sipas qytetarëve, si pasojë e çmimit të lartë të rrymës shumë familje nuk do të mund t’ia dalin të bëjnë pagesën e si pasojë do të mbeten në errësirë.
Instituti për Politika Zhvillimore (INDEP) ka kërkuar nga Zyra e Rregullatorit të energjisë (ZRRE) që të sigurojë mbrojtje reale të konsumatorëve në procesin e shqyrtimit të tarifave të energjisë elektrike.
