Gazetari Bledian Koka deklaron se udhëtimet e shpeshta të Edi Ramës me avionë privatë (charter), paraqesin një kontrast të fortë me realitetin ekonomik të vendit. Justifikimi i ofruar nga qeveria për njërin prej këtyre udhëtimeve drejt Izraelit, i bazuar në arsye sigurie, nuk ka arritur të bindë opinionin publik.
Koka vëren një model sjelljeje që e përshkruan si “jetë prej sheiku”, duke theksuar se kryeministri Rama viziton më shpesh destinacione si Abu Dhabi apo Dubai, sesa zonat problematike brenda Shqipërisë, si Durrësi apo fermerët e përmbytur.
Mungesa e reagimit institucional, sipas Kokës, interpretohet si një sinjal i qartë i pandëshkueshmërisë. Sipas këtij këndvështrimi, qeveria vepron me bindjen se sistemi i drejtësisë nuk do të ndërhyjë, duke i lejuar vetes luksin e charter-ave dhe shpenzimeve pa fre.
“E para e punës ne morëm vesh nga deklarata e kryeministrit, që kryeministrit të Shqipërisë i rrezikohet jeta dhe ka kërcënime. Ka një vit e ca që ndodhi konflikti mes Izraelit dhe palestinezëve, ndodhi edhe konflikti Izrael-Iran, Amerikë-Iran, çfarë të doni, dhe kurrë nuk ka pasur raste që një linjë avioni të ketë pasur, si me thënë, të jetë sulmuar mos e dhënë Zoti, apo të ketë pasur sulme. Pra, këtu sa më shumë flet dhe kthen përgjigje qeveria, aq më shumë thellohet dyshimi i gjësë. Aq më shumë qytetarët që duan të shohin, e kuptojnë që në krye nuk kanë më një njeri që i qan zemra, por është, ka një njeri që sillet fiks si sheik. Dhe po të shikosh, po të shikosh udhëtimet e zotit Rama, zoti Rama më shpesh shkon në Abu Dhabi sesa shkon për shembull në Durrës.
Më shpesh shkon në Dubai sesa shkon dhe u qan hallin fermerëve që u përmbytën apo qytetarëve që kanë nevojë. Është fiks shkëputja e kontaktit me, me realitetin. Po deri këtu është në të drejtën e vet. Pyetja e madhe dhe, dhe presioni që duhet të bëjë opinioni publik, përveçse presionit publik. Si ka mundësi që këtu vetëm media shqetësohet për këtë gjënë? Si ka mundësi që institucionet ligjzbatuese, ato që duhet ta verifikojnë, se duhet t’i japin mesazh që këtu jo çdo gjë është e kapur… Ky është moment shumë i rrezikshëm. Pra, shohim një avancim të dhunës. Sa më shumë ne besojmë që organi i akuzës po shkon drejt kupolës qeverisëse, aq më shumë kupola na tregon që kjo gjë jo vetëm që nuk po ndodh, por as nuk ka për të ndodhur kurrë, sepse vetëm kur ti e ke të sigurt që organi i akuzës dhe drejtësia, si me thënë nuk do të hyjë gjemb në këmbë nga ky lloj sistemi, ti s’e ke për gajle të hipësh në charter. Vetëm kur ti e ke të sigurt që drejtësia nuk të bën dot asgjë, ti vazhdon ta mbash Belinda Ballukun, ta nxjerrësh dhe ta vërvitësh si arusha të mira, fiks për të sfiduar edhe sistemin, për të sfiduar edhe qytetarët, për të sfiduar edhe opozitën, që ne ja ku jemi, ne mund të vjedhim, ne mund të grabisim dhe ju prapë neve do na dëgjoni.
Dhe po shikoja dje, dhe bëra dhe reagim me thënë të drejtën, ishte shumë e neveritshme. Të shikosh një njeri që akuzohet që vetëm me një të rënë të lapsit i ka shkaktuar dëm, nuk po them vjedhje, dëm 50 milionë euro më shumë taksapaguesve shqiptarë dhe dje shkonte në Fier dhe gjasme qante hallin fermerëve, ndërkohë që ata janë, janë zeruar të paktën për këtë vit nga përmbytjet që, që kemi qenë dhe i qante hallin… Dhe që s’kanë bërë asgjë për ta kthyer këtë. Që këtu e kupton që, gjëja ka shkuar aty ku nuk mban më. Dhe kjo gjëja ose do plasi keq fare dhe shpeshherë në Shqipëri gjërat plasin aty ku nuk ta pret mendja, ose me sa duket kemi ardhur, kemi arritur në atë pikën kur praktikisht shoqëria nuk reagon më, institucionet e drejtësisë pa diskutim që janë të kompromentuara në operacionet e tyre dhe që kjo gjë, si me thënë, po duash se kjo afekton edhe aktivitetin e opozitës dhe kjo nuk është një shqetësim i vogël që nuk duhet të merret.“- tha Koka në ‘Task Force’.
