Zv.kryeministrja Belinda Balluku, të cilën SPAK kërkon ta arrestojë, pasi është marrë e pandehur për shkelje të barazisë në tendera, ka vijuar të sfidojë hapur drejtësinë.
Këtë të enjte, ajo është shfaqur në Fier aty ku ka zhvilluar një takim me fermerët, të cilëve u ka premtuar se 5.2 miliardë lekë do të vendosen në dispozicion të skemës kombëtare të bujqësisë, duke shpërfillur sërish faktin se është një zyrtare e pandehur.
“Këtë vit qeveria shqiptare ka dizenjuar buxhetin më të madh që ka pasur ndonjëherë për bujqësinë, blektorinë dhe peshkimin. Flitet për 16.3 miliardë lekë, nga të cilat 5.2 miliardë do të vendosen për në dispozicion të skemës kombëtare në bujqsi. Për shkak të një zone që është hambari i Shqipërisë, qarku i Fierit, kam arritur të kuptoj që skemat duhet të jenë më efikase më të goditura”-është shprehur Balluku në takim.
Kujtojmë se imuniteti dhe procesi ndaj saj vijon të jetë pezull, pasi Këshilli i Mandateve dhe Gjykata Kushtetuese ende nuk kanë ende me një vendim. Socialistët e Mandateve kanë deklaruar se do të shprehetn pas Gjykatës Kushtetuese, duke i dhënë kohë vartëses së Ramës.
LEXO EDHE:
