Një gjykatë federale në Shtetet e Bashkuara ka dënuar me burgim të përjetshëm 60-vjeçarin Ryan Ruth, i cili u shpall fajtor për tentativë vrasjeje ndaj Presidentit Donald Trump gjatë një ngjarjeje të ndodhur në një fushë golfi në Florida në vitin 2024.
Përveç dënimit me burgim të përjetshëm, gjykata e dënoi atë edhe me shtatë vite të tjera burg për armëmbajtje të paligjshme.
Sipas mediave amerikane, Ruth u shpall fajtor për disa akuza, përfshirë:
tentativë vrasjeje të një kandidati të rëndësishëm presidencial,
përdorim të armës së zjarrit për kryerjen e një krimi,
sulm ndaj një zyrtari federal,
posedim të paligjshëm të armës së zjarrit,
përdorim të një arme me numër serial të falsifikuar.
Avokati mbrojtës kishte kërkuar një dënim prej 27 vitesh burg, duke argumentuar se i pandehuri ishte tashmë 60 vjeç. Megjithatë, trupa gjykuese vendosi masën maksimale të dënimit.
Gjatë seancës gjyqësore, pas shpalljes së verdiktit për fajësi për të gjitha akuzat, Ruth tentoi të lëndonte veten me thikë në sallën e gjyqit, por u neutralizua menjëherë nga forcat e sigurisë.
