Një banesë është shkrumbuar nga flakët, në orët e para të mëngjesit të sotëm, në fshatin Zvezdë të bashkisë Maliq.
Sipas informacioneve paraprake, kanë qenë fqinjët ata që kanë konstatuar zjarrin dhe kanë njoftuar menjëherë familjarët e banesës, duke i ndihmuar të dalin jashtë në kohë dhe pa pësuar dëmtime.
Flakët kanë shkrumbuar thuajse totalisht banesën, duke shkaktuar dëme të kosiderueshme materiale.
Shkaqet e zjarrit mbeten ende të paqarta, ndërsa paraprakisht dyshohet për një shkëndijë elektrike.
