Kreu i PD, Sali Berisha, në një bashkëbisedim me qytetarët në rrjetet sociale, foli për protestën e thirrur më 10 shkurt.
Berisha tha se nuk përjashtohet asnjë skenar për mënyrën se si do të zhvillohet protesta dhe theksoi se aksioni politik i PD-së do të vijojë përmes pjesëmarrjes qytetare dhe reagimit civil ndaj situatës politike në vend.
“Kemi në plan dhe projekt të gjitha format e mosbindjes civile. Partia Demokratike fton qytetarët që të bëjmë gjithçka për fitoren e kësaj beteje, por kjo kërkon qartësi.
Kërkon që çdo qytetar të kuptojë se kemi të bëjmë me një diktaturë autokratike, ku pushteti është përqendruar në një dorë”, u shpreh Berisha.
