Dokumentet e publikuara së fundmi nga Departamenti Amerikan i Drejtësisë kanë nxjerrë në dritë emaile të shkëmbyera mes Elon Musk dhe Jeffrey Epstein në fund të vitit 2013, ku flitet për një vizitë të mundshme në ishullin privat të Epstein në Karaibe.
Sipas dokumenteve, më 13 dhjetor 2013, Musk i shkruante Epstein-it se do të ndodhej në zonën e Ishujve të Virgjër dhe e pyeste nëse kishte një kohë të përshtatshme për ta vizituar.
Epstein iu përgjigj dy ditë më vonë duke sugjeruar fillimin e vitit të ri dhe duke shtuar: “Gjithmonë ka vend për ty”. Në një email tjetër, më 25 dhjetor, Epstein shkroi: “2 ose 3 do të ishin perfekte. Do të vij të të marr.”
Musk u përgjigj se duhej të kthehej në Los Angeles më 2 janar, por më pas tha se mund ta shtynte largimin një ditë më vonë. Në një tjetër mesazh, ai e pyeti drejtpërdrejt Epstein-in: “Kur duhet të shkojmë në ishullin tuaj më 2?”
