Një dëshmi lidhur me shkaqet e aksidentit fatal në Rumani, nga një prej të plagosurve, u transmetua për televizionin grek ERT nga mjeku Dimitris Koukoulas.
Siç e përmendi ai, tifozi i lënduar i PAOK-ut i tha se sistemi i timonit u bllokua, duke rezultuar në pamundësinë e shoferit për ta kthyer atë në korsinë e djathtë pas tejkalimit, shkruajnë mediat greke.
Siç raportoi mjeku, i plagosuri në fjalë është në gjendje më të mirë se të tre, me fraktura kryesisht në gjymtyrët e poshtme, dhe ai përshkroi momentet dramatike para aksidentit.
Kjo dëshmi i shtohet asaj që autoritetet kompetente po shqyrtojnë për të hedhur dritë mbi shkaqet e aksidentit.
Siç theksoi mjeku, prindërit e viktimave kanë filluar të mbërrijnë në Rumani për detyrën e vështirë të identifikimit të të dashurve të tyre.
Dy shqiptarët Genci Sadiku dhe Vasil Palo janë 2 prej viktimave të aksidentit tragjik ku humbën jetën 7 persona dhe 3 të tjerë mbetën të plagosur rëndë.
