Shkrirja e Kadastrës së Vlorës dhe zhvendosja e saj drejt Tiranës, ka shkaktuar përplasje dhe tensione mes punonjësve të këtij institucioni.
Pas urdhërit të Lorena Goxhobellit, punonjësit e kadastrës në Vlorë kanë firmosur një peticion që të mos zhvendosen drejt Tiranës, ndërkohë që burime për mediat bëjnë me dije se pas kësaj, ndaj tyre është ushtruar presion që të përgatisin zhvendosjen e materialeve drejt kryeqytetit.
Gjthashtu raportohet se zv.drejtori i ASHK Vlorë, Sokol Shehaj, është pezulluar nga puna, për shkak se ka mbështetur punonjësit e kadastrës në peticionin e tyre.
Ndërkohë punonjësit kanë deklaruar se kjo situatë ka krijuar pasiguri dhe tension, duke rrezikuar vazhdimësinë e punës së tyre në qytet.
Ata kanë vendosur të pezullojnë përkohësisht punën, deri në sqarimin e situatës, ndërsa kanë deklaruar se nuk largohen nga institucioni edhe pse janë urdhëruar që i gjithë dokumentacioni të transferohet në Tiranë brenda datës 31 të këtij muaji.
LEXO EDHE:
