Ka 30 ditë për të marrë vendim, por duke qenë se është interpretimi I një dispozite ligjore por po shohin të gjitha lëvizjet politike. Ajo ca ka ndodhur kem Administrata Trump i ka sinjalizuar Ukrainës se garancitë e sigurisë nga Shtetet e Bashkuara varen nga pranimi i një marrëveshjeje paqeje që mund të përfshijë lëshimin e rajonit të Donbasit Rusisë, raportoi Financial Times, duke cituar tetë burime të njohura me bisedimet.
Sipas gazetës britanike, Uashingtoni ka lënë të kuptohet gjithashtu se mund t’i ofrojë Ukrainës më shumë armë për të forcuar ushtrinë e saj në kohë paqeje, nëse Kievi pranon të tërheqë forcat nga pjesët e rajonit lindor që aktualisht i kontrollon.
Agjencia Reuters bëri me dije se nuk ka mundur ta verifikojë në mënyrë të pavarur këtë raport, ndërsa Shtëpia e Bardhë nuk ka reaguar ende zyrtarisht ndaj kërkesave për koment.
Presidenti ukrainas Volodymyr Zelensky ka deklaruar se një dokument i SHBA-së mbi garancitë e sigurisë për Ukrainën është “100% gati” dhe se Kievi pret vetëm kohën dhe vendin për nënshkrimin e tij. Megjithatë, ai ka theksuar vazhdimisht se integriteti territorial i Ukrainës duhet të respektohet në çdo marrëveshje paqeje.
Sipas një zyrtari të lartë ukrainas, Uashingtoni ka hezituar të finalizojë garancitë e sigurisë sa herë që është afruar momenti i nënshkrimit.
