Kryeministri Edi Rama deklaroi sot se ishte i ftuar të mbante një fjalim në Parlamentin e Izraelit, duke e cilësuar këtë si një ngjarje të veçantë.
Sipas Ramës, ky ishte një privilegj i rrallë dhe një vlerësim i veçantë për Shqipërinë.
Por duket se “ekskluziviteti” i kësaj ftese nuk ishte edhe aq ekskluziv sa u paraqit në publik.
Në të njëjtën ditë dhe në të njëjtat aktivitete zyrtare në Izrael ka qenë i ftuar edhe një tjetër politikan nga Ballkani.
Bëhet fjalë për Milorad Dodik, ish-president i Republikës Srpska të Bosnje dhe Hercegovinës, një figurë e njohur për qëndrimet e tij nacionaliste dhe përplasjet me institucionet qendrore të Bosnjës.
Të dy politikanët kanë marrë pjesë në aktivitete të së njëjtës natyrë dhe në të njëjtin program zyrtar të organizuar nga autoritetet izraelite, çka tregon se ftesa nuk ishte e kufizuar vetëm për kryeministrin shqiptar.
During today’s meeting with the President of Israel, Isaac Herzog @Isaac_Herzog , I intend to propose that the Sarajevo Haggadah—currently subject to the political misuse of Jewish cultural heritage—be returned to Israel.
The Haggadah is not, and must never become, an instrument…— Милорад Додик (@MiloradDodik) January 26, 2026
