Një zjarr ka përfshirë në orët e vona të natës një lokal pranë urës së Dajlanit në qytetin e Durrësit.
Sipas informacioneve paraprake, lokali ka qenë prej kohësh jashtë funksionit dhe, fatmirësisht, nga ngjarja nuk ka persona të lënduar.
Flakët janë konstatuar nga banorët e zonës, të cilët kanë njoftuar shërbimin zjarrfikës.
Dyshohet që zjarri të ketë nisur nga një shkëndijë elektrike. Materialet e djegshme që ndodheshin brenda ambientit kanë marrë flakë, duke shkaktuar dëme të konsiderueshme materiale.
