Një aksident i rëndë rrugor është shënuar këtë të enjte në Itali, ku ka humbur jetën një i ri shqiptar, Klaudio Gjoka.
Ngjarja ka ndodhur në autostradën e Rrugës Shtetërore SS589 Saluzzo–Barge, pranë Abacisë Stafarda. Sipas mediave italiane, aksidenti u shkaktua nga një përplasje e fortë mes një kamioni dhe një automjeti tip Audi, që drejtohej nga 20-vjeçari shqiptar.
Përplasja ka qenë fatale për të riun. Në vendngjarje mbërritën menjëherë zjarrfikësit e Saluzzo-s, të cilët nxorën trupin e pajetë nga automjeti, si edhe Karabinierët italianë dhe shërbimet e urgjencës shëndetësore.
Autoritetet po hetojnë shkaqet e aksidentit, ndërsa qarkullimi në zonë u kufizua përkohësisht për shkak të ndërhyrjes së ekipeve të emergjencës.
