Kuvendi i Shqipërisë ka miratuar kërkesën e grupit parlamentar të Partia Socialiste për zhvillimin e një seance plenare ditën e enjte, në orën 10:00.
Seanca do të mbahet për shqyrtimin dhe miratimin e marrëveshjes së pranimit të Republikës së Shqipërisë në Kartën e Bordit të Paqes, ku vendi përfaqësohet nga Kryeministri Edi Rama.
Sipas rendit të ditës, seanca do të nisë me njoftime procedurale, për të vijuar më pas me projektligjin “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.
