Ka përfunduar takimi i Kryeministrit Edi Rama me “mysafiren e tij të veçantë” nga SHBA, Ivanka Trump, një takim i zhvilluar larg syve të publikut, por nën masa të shumta sigurie, siç i ka hije rasteve “të rëndësisë së veçantë”.
Pas bisedës, Rama dhe Ivanka Trump qëndruan për disa minuta jashtë ambienteve ku u zhvillua takimi, duke shkëmbyer disa fjalë formale, përpara se të niseshin në drejtim të Orikum.
Një shëtitje më shumë simbolike sesa zyrtare, në kuadër të mikpritjes shqiptare për miq të zgjedhur për interesat e Ramës.
Ivanka Trump mbërriti paraditen e sotme në Vlorë, e shoqëruar nga disa arkitektë, në kuadër të projektit për Ishullin e Sazanit, ndërsa Kryeministri Rama mbërriti pasdite, i shoqëruar nga eskortë dhe protokoll maksimal.
