Kryeministri Edi Rama ka përgënjeshtruar deklaratat që vetë bëri pas mbledhjes së grupit parlamentar të PS-së për Radiotelevizioni Shqiptar, duke i cilësuar si interpretime publike të shtrembëruara dhe të pavërteta.
Në reagimin e tij, Rama shprehet se po krijohet një model shqetësues i “përtacisë intelektuale” në këtë epokë të re, ku njerëzit sipas tij nuk dëgjojnë me kujdes çfarë thuhet realisht, por nxitojnë të nxjerrin përfundime të gabuara.
“Po bëhet një model fatkeq i kësaj epoke të re dembelizmi të shfrenuar ndaj të dëgjuarit e asaj që thonë të tjerët në të vërtetë për t’u përballur me deklarata të tilla si ajo e bashkangjitur, të cilat pasqyrojnë një kuptim thellësisht të shtrembëruar të pozicionit tim në lidhje me Transmetuesin Publik Shqiptar.”, shkruan kryeministri.
Ndërkohë, disa ditë më pare vetë Rama ka kërkuar mbylljen totale të Televizionit Shqiptar për një afat të papërcaktuar, derisa sipas tij të arrihet një reformim i plotë
” E vërteta historike është se kemi tentuar të krijojmë kushtet që televizioni publik të reformohet, por kemi dështuar. Deri tani bilanci i tij është një “dështim i suksesshëm”, dmth nga borxhi në borxh, në mosperfillje. Nuk e kemi një televizion publik në Shqipëri; hera e fundit kur e kam parë ka qenë në vitin 1990, para përmbysjes së sistemit. Kam shkuar i ftuar, por nuk kam parë as veten, janë të vetmet intervista dhe nuk kam marrë asnjë mesazh. U kam thënë: mbylleni. S’kemi për të dhënë asnjë lek nga taksat e shqiptarëve, deri kur t’i meritojë. Çdo opsion duhet të jetë në tryezë, edhe mbyllja përfundimtare, edhe privatizimi, edhe partneriteti, edhe çdo gjë përveç kësaj që është”,- ka deklaruar Rama më herët.
LEXO EDHE:
