Pasi dështoi me sukses me dy satelitët “Albania 1 dhe Albania 2”, dhe pas milionave të shpenzuara për dronët “Bayraktar” nga Turqia, Edi Rama ka deklaruar se këtë herë Shqipëria do të prodhojë vetë dronë.
Sipas Ramës, është ngritur një grup pune apostafat për prodhimin e dronëve, jo dosido, por këtë herë të sofistikuar.
Sipas Ramës, këtë herë nuk është përrallë.
“Ne kemi filluar punën për të prodhuar dron në Shqipëri, jo të thjeshtë, por të sofistikuar, tani çfarë është kjo, përrall që i tregohet shqiptarëve çdo dite, se e po ngremë fantazma për të marrë lekë.
Nëse do të ishim forcë që do punonim për të marrë lekë nuk do ngrinim një sistem të tërë prokurimesh që po çon në mbylljen e të gjitha hapësirave që abuzojnë me prokurimet. Dhe nuk do ishin sot vendi i parë në klasifikimin e vendeve kandidatë për BE për integritetin e prokurimeve publike”, është shprehur Rama.
