Një 18-vjeçar është arrestuar në Tiranë, pasi akuzohet se ka vjedhur një makinë duke mashtruar rojën e një parkimi privat.
Ngjarja ndodhi në një parking në rrugën “Hajdar Hidri”.
I riu me iniciale A. L. u prezantua si pronari i automjetit për të marrë çelësat dhe për t’u larguar.
Pas denoncimit nga roja, u bë identifikimi, lokalizimi dhe kapja e tij, teksa në Valias, u gjet edhe automjeti i vjedhur, tip “Volkswagen Jetta”.
Njoftimi:
“Vodhi 1 automjet, duke mashtruar rojën e vendparkimit në rrugën “Hajdar Hidri”, se ishte pronari i automjetit, identifikohet dhe arrestohet 18-vjeçari.
18-vjeçari dyshohet se me qëllim vjedhjen, ka shkuar te vendparkimi i automjeteve, ku ka mashtruar rojën e subjektit, se do të merrte automjetin e tij.”
