CNN raporton se Turqia ka vendosur kontakte me zyrtarë të Shteteve të Bashkuara dhe Iranit, me synimin për të rikthyer palët në tryezën e negociatave.
Sipas një burimi rajonal të cituar nga rrjeti amerikan, përshkallëzimi i situatës dhe ritmi i ngadaltë i bisedimeve rrezikon që përpjekjet diplomatike të vijnë më vonë sesa duhet.
“Aktualisht po flitet për negociata. Ritmi i bisedimeve është i ngadaltë dhe me këtë shpejtësi mund të jetë tepër vonë”, tha burimi.
Javët e fundit, Irani është përfshirë nga protesta të dhunshme, ku dhjetëra qytete janë përballur me trazira masive që kanë sjellë qindra të vdekur dhe mijëra të arrestuar. Paralelisht, presidenti amerikan Donald Trump ka paralajmëruar se Shtetet e Bashkuara mund të ndërmarrin operacione ushtarake kundër Teheranit nëse situata përshkallëzohet më tej.
