Në aksin rrugor Tropojë–Valbonë është raportuar rënie gurësh gjatë mbrëmjes së djeshme, duke krijuar vështirësi në lëvizjen e mjeteve dhe rrezik për banorët dhe udhëtarët që qarkullojnë në zonë.
Deri në orët e para të ditës së sotme, rruga vijon të jetë e pastruar vetëm pjesërisht, ndërsa nuk raportohet ndërhyrje e strukturave përkatëse për pastrimin e plotë të trasesë apo vendosjen e sinjalistikës paralajmëruese.
Si pasojë e motit të keq që goditi Shqipërinë gjatë javës së kaluar, disa prej rrugëve në vend kanë shfaqur probleme të ngjashme.
