Një i ri shqiptar është arrestuar në bregdetin e Riminit, pasi akuzohet për posedim dhe trafikim të lëndëve narkotike.
Aksioni u krye nga Policia e Shtetit në Itali, përgjatë zonës së Miramare. Oficerët pikasën tre persona në pazar, mes tyre një shqiptar dhe dy marokenë, duke i kapur në flagrancë. Njëri prej tyre kishte për qëllim të shiste lëndë narkotike, tjetri t’i blinte ato. Pasi panë uniformat e tyre, ata u përpoqën të largoheshin me shpejtësi.
Gjatë një kontrolli fillestar, shqiptarit iu gjetën në posedim disa pako transparente, që më vonë u zbulua se ishin kokainë, dhe një shumë parash prej 360 eurosh, të ndara në prerje të vogla.
Gjithçka u sekuestrua dhe shqiptari u arrestua për krimin e trafikimit të drogës dhe një seancë dëgjimore u caktua ndaj tij.
