Një i ri është ndaluar nga Policia e Shkodrës, pas vendimit të Gjykatës së Shkallës së Parë të Juridiksionit të Përgjithshëm Shkodër, e cila i ka caktuar masën e sigurimit “Arrest në burg”.
Shtetasi i ndaluar është identifikuar si G. B., 24 vjeç, banues në Shkodër.
Vendimi i gjykatës lidhet me dy akuza penale: “Plagosja e lehtë me dashje” dhe “Futja ose mbajtja e sendeve të ndaluara në institucionet e ekzekutimit të vendimeve me burgim”.
Materialet i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme procedurale.
