Kreu i Partisë Demokratike, Sali Berisha, është shprehur se Agjencia Kombëtare e Shoqërisë së Informacionit (AKSHI) ka rrezikuar sigurinë e të dhënave shtetërore dhe, sipas tij, informacionet mund të jenë dërguar tek palë jo miqësore ndaj Shqipërisë dhe aleatëve të NATO-s.
Në deklaratën e tij publike, Berisha kërkoi hetim të plotë institucional dhe parlamentar për mënyrën si menaxhohen sistemet e informacionit shtetëror, investimet për sigurinë kibernetike dhe kontratat për tendera teknologjikë.
Pjesë nga fjala e kreut të PD, Sali Berisha:
Ngjarjet e AKSHI-t nuk janë të regjistruara në historinë e Europës.
Ndërmarrje shtetërore që merr peng për tendera, kjo tejkalon çdo lloj… merr peng se tenderat duhet t’i fitojë baxhanaku.
Ndërmarrje shtetërore ku tenderat i dikton Linda e Surrelit me Lindën e AKSHI-t.
Ndërmarrje ku qindra milionë vidhen me zero investim. Me zero blerje. Me zero shitje. Zero import dhe transferim i të gjitha shumave në llogarinë…
Ndërmarrje shtetërore që të gjitha të dhënat i eksporton në akt kriminal tek armiqtë e Shqipërisë, armiqtë e NATO-s.
Duke vendosur në pozitat më kyçe njerëz të tyre.
Këtu nuk ekziston asnjë mekanizëm i sigurisë kombëtare. Por kjo e AKSHI-t ngjitet në nivelin e tradhtisë së lartë kombëtare.
Personi i caktuar në sigurinë kibernetike të ministrisë është person me lidhje jashtëzakonisht të dyshimta. Dhe i emëruar nga Ergys Agasin, njeriu që shoqëronte Ramën në Davos.
Njeriu që festonte dhe stërfestonte me Ramën sa në vilën e Gjushit, aq edhe në vilën e tij.
Dhe këto tani janë publike.
Fatmirësisht këto janë të njohura, sepse dëshmitarët e marrë peng i kanë dëshmuar këto.
Pra, gjithçka është në favor të opozitës.
Gjithçka është premtuese për opozitën.
Opozita duhet të ngrihet e betuar që do ta largojë nga pushteti.
Dhe unë kam besim se këtë mision do ta përmbushim me sukses.
