Lumi Vjosa ka dalë sërish nga shtrati, duke përmbytur fshatin Mifol dhe duke rrezikuar dhjetëra banesa në zonë.
Niveli i ujit ka kaluar argjinaturën dhe ka hyrë në tokat përreth, ndërsa situata po përkeqësohet nga prurjet e vazhdueshme.
Pas evakuimit të banorëve në Novoselë, Mifoli është zona e radhës që përballet me emergjencë për shkak të rritjes së nivelit të ujit. Banorët raportojnë se uji po afrohet me shpejtësi drejt banesave.
Ndërkohë, disa rrugë rurale rezultojnë të kalohen vetëm me vështirësi, dhe rreziku i vërshimit të mëtejshëm mbetet i lartë për sa kohë reshjet vazhdojnë.
